Se che gustan os libros de fantasía, eu recomendo sen dubidar a serie Dragal escrita por Elena Gallega Abad. Ata o de agora hai cinco libros na serie:

Dragal I. A herdanza do dragón

Dragal II. A metamorfose do dragón

Dragal III. A fraternidade do dragón

Dragal IV. A estirpe do dragón

Dragal V. O segredo do dragón

Estes libros contan a historia de Hadrián, un mozo de dezaseis anos quen, despois da morte do seu pai, trasládase coa súa nai a unha vila pequena na costa de Galicia onde os seus pais medraran. El herda do seu pai un antigo medallón coa figura dun dragón, e de aí comeza unha aventura cada vez máis misteriosa. Resulta que o medallón é a clave para atopar Dragal, o último dragón galego.

Galicia é un país cheo de maxia e misterio, e na historia de Dragal a autora incorpora moitas lendas antigas e tamén personaxes reais da historia. Por exemplo, Nicolas Flamel, o famoso alquimista francés que presuntamente fabricou a pedra filosofal e que tamén aparece no primeiro libro de Harry Potter, seica aprendeu os segredos da alquimia no camiño de Santiago.

Eu lin todos os cinco libros, e encantáronme. Non creo que o quinto libro sexa o último, xa que non hai ningunha conclusión da historia na fin daquel libro. Segundo parece, aínda hai moito máis para contar. No sitio web da autora, di que faltan 68 días ata o anuncio do seu novo proxecto literario. Agardo que sexa o sexto capitulo da serie, porque teño moitas ganas de saber o que acontece despois.

Os libros son escritos en galego, pero tamén hai traducións en inglés e castelán. E, segundo o sitio web, logo a historia de Dragal estará dispoñible tamén en formato de cómic, videoxogo, e mesmo película!