بدأنا في الدروس عن الزواج من تلات أسابيع. والمرة دي ما روحناش للدروس علشان كنا في إجازة. بس الأستاذ أدانا الفيديو علشان نشوفه لما نرجع. شوفناه امبارح وكان موضوع الحلقة (التسامح في الزواج) ولاقينا إنه مهم قوي. في العالم كله في صراعات كتير والحل الوحيد هو التسامح. ويعني ايه (التسامح)؟ في آراء كتيرة في مختلف الثقافات. الأستاذ قال إن التسامح مش شعور بس هو قرار. التسامح قرار بناخده مش شعور بنستنى إننا نحسه وبعدها نسامح الآخرين. وأقرر اسامح علشان شايف إن العلاقة الكويسة مع زوجتي أهم من الألم اللي سببته. في شخص قال إن اللي ما بيسامحش هو زي شخص بيشرب السم وفاكر إن جاره هو اللي هيموت. الشخص اللي ما بيسماحش هو اللي بيتئذي.
والأستاذ قال كمان إن في حاجات الناس فاكرة إنها تسامح بس هي مش تسامح. وواحد منها هي إن التسامح إني أقول إن اللي عملته زوجتي ما سبب ليش ألم. الألم حقيقي ولازم نقول ده. التسامح كمان مايعنيش إن الألم ما يهمنيش. الألم مهم ولازم ما نتجاهلهوش. وتالتا التسامح ما يعنيش إن علشان محبتنا كل ألم هيختفي في غمضة عين. الألم ما يختفيش من غير التسامح.
في قول يقول إن (للسان قوة الحياة والموت). لازم نقول مسامحك على الرغم من الألم اللي تسببه لي. أقرر إني ما أفضلش شايله جوايا تجاهك.
طبعا، في ألم كبير يبقي فترة طويلة. أحيانا لازم يكرر قرار التسامح مرات كتيرة. التسامح مش سهل بس هو مهم علشان العلاقات تستمر وتنمو.
في الدروس في فترات لازم نتكلم عن أسئلة من الفيديو وفي مرة اتكلمنا مع بعض عن بعض الآلام اللي سببناها لبعض قبل كده وسامحنا بعض بعد الفترة اللي فيها حاولنا نفهم كويس إزاي أفعالنا أثرت على التاني. طبعا قبل نتسامح اتأسفنا لبعض بسبب الألم اللي سببناه قبل كده.
في الفيديو الأستاذ ما اتكلمش طول الوقت. من وقت للتاني نسمع من أشخاص درسوا الموضوع قبل صنع الفيديو وإزاي الدروس اللي اتعلموها ساعدتهم في زواجهم. بالفعل ما فيش أستاذ واحد بس راجل وزوجته وأحيانا يتكلموا عن زواجهم ومشاكلهم اللي خليتهم يتكلموا عن النقطة دي في الدروس.
