Kung may whiteboard man ang mundo, siguro tatlong salita lang malinaw na mababasa ko mula dito:
SARILI
PANGARAP
SAYA
Madaming salitang ang nasa ilalim. Yung iba sobrang liit hindi na mabasa. Yung iba naman siguro sa sobrang tagal nabura na ng hangin yung tinta. Gaya nalang ng pagtangay ng hangin sa mga ala-ala
Ala-ala. Tinanong ko dati yung Homeroom teacher namin kung sino ba nagpauso ng whiteboard. Bakit kailangan dun isulat yung mga reminders.
Sabi niya para mas madali daw makita yung mga mahahalagang bagay. Nakahiwalay na mismo sa mga shabu-shabung bagay lang.
Shabu-shabung mga bagay. Ito daw yung mga bagay na pwedeng oo ngayon tapos mamaya hindi na. Pwede rin iatras o iabante yung manibela ng buhay. Yung mga bagay na hindi touch move. Pwedeng wantusawang palitan o ipagpaliban. Ano kayang isusulat ng mundo sa ilalim nito.
Kape
Tulog
Ligo
Toothbrush
Trabaho
Linis
Gala
Alak
Yosi
Damit
Alahas
Sapatos
Cellphone
Libro
Musika
K-drama
Netflix
FB/IG/Tiktok
ML
RPG Games
... (Mga bagay na maiisip in between)
Andami pero atras abante.
Andami pero bakit ang gaang.
Dapat ba magaang?
Ang gulo ano? Pag mabigat nagrereklamo. Pag magaang pinagdududahan.
Sala sa init sala sa lamig, puro na nga lang sala. Wala ng tumama.
Akala mo naman may kung anong shooting board sa harapan mo.
Wala. Baka sakanila meron. Baka sila, meron.
Andaming wala sa whiteboard. Nasan na kaya?
Pamilya.
Asawa.
Anak.
Pagmamahal.
Kapwa Tao. T*ngina nasan yun?
Baka nabura na ng panahon o kaya nilipad na ng hangin.
Binatukan ako ng kaibigan ko. "Tanga ka ba, Non-permanent marker ginagamit dun diba? Ibig sabihin nagbabago, nabubura. Daanan mo lang ng kamay, ng kahit kaninong kamay burado na."
Ewan ko ba. Okay naman yung whiteboard, pero hindi ako palagay. Alam mo yun? Okay ka pero hindi ka palagay.
Napagalitan ako ng Homeroom teacher namin. Na naman.
"Sinabi ng whiteboard ang susulatan e. Bat permanent marker yang dala mo iha! Hindi yan pwede dito."
Hindi ako pwede dito.
Okay, gets ko na.
Baka hindi ako para sa whiteboard.
K.
