do hazār čhe meṅ maiṅ ne yūnīvarsiṭī xatam kī. maiṅ ne pāliṭīkal sāīance paṛhā thā kyoṅ ke maiṅ sočtī thī ke sab se baṛī tabdīlī lāne ke līe hukūmat meṅ šāmil honā zarūrī hai. is hī līe maiṅ ne wāšiṅgṭon, dī sī meṅ inṭernšip kar ne kā faisla(h) liyā. is inṭernšip kī vaja(h) se mujhe bohot alag tara(h) ke logon se milne ko milā, aur mujhe wāšiṅgṭon, dī sī se muhabbat ho gaī. mujhe do samesṭar rahne milā dī sī meṅ, aur us ke bād maiṅ vapus Houston čale gaī. lekin Houston lauṭne se pahle, maiṅ ne ek career fair meṅ širkat kī. aur xuš qismatī se, šāyad ek hafte bād mujhe īmaīl āī ke unheṅ mujhe interview karnā hai (unheṅ merā interview lenā hai.) sab kučh bohot jaldī se hūā. merā interview bohot lambā nahīṅ thā, šāyad pandrā minat? aisā lagtā hai ke unhoṅ ne faisla(h) pahle se hī le liyā thā ke vuh mujhe hirekareṅge. us zamāne meṅ consulting meṅ aksar aisā hotā thā ke jab koi baṛī bid ātī hai, us ke līe tayār hone ke līe (us kī tayārī meṅ), aksar bohot sāre logoṅ ko hire kiyā jātā hai. unheṅ yaqīn thā ke vuh contractun hī ko milegā. us kī tayārī meṅ unhoṅ ne mujhe hire kar liyā. yūṅ kah sakte haiṅ ke maiṅ sahīh waqt par sahīh jagā(h) maujūd thī. tou mujhe nokrī mil gaī, aur us ke līe mujhe dī sī ānā paṛā. aur ek hafte ke ander hame m‘alūm hūā ke vuh contract, jis kī tayārī meṅ ḍhaiṛ sāre logoṅ ko hire kiyā, vuh unhoṅ ne jītā nahīṅ. tou kāfī mahīnoṅ se ham sab bench pe the. lekin thoṛe arse bād, mujhe koī project pe dāl diyā. vapus se mujhe bohot dilčasp logoṅ se milne ko milā, lekin ek xās aurat thī jis se merī aččhī dostī ho gaī thī. lekin ise čhoṛeṅ, main āp ko apnī nokrī ke bāre meṅ batātī hūṅ. koī software hotā thā, us zamāne meṅ, jis kā nām hai Maximo. vuh mujhe xud sīkhnā paṛā aur phir merā kām thā dūsroṅ ko sikhānā. jo insān kisī bhī waqt training banā ne ke līe tayār hotā hai - koī bhī mouzū’ par - use instructional designer kahte haiṅ. mujhe us waqt yih bāt m’alūm nahīṅ thī, lekin merī sab se pahlī nokrī, yūnīvarsiṭī ke bād, ek instructional designer ki haisīyat se thī. maze kī bāt yih hai ke maiṅ āj bhī instructional designer hūṅ, balke(h) maiṅ vapus yūnīvarsiṭī gai aur instructional design maiṅ meṅ ne master’s degree hāsil kī. mujhe logon ko sikhānā
