quq cha' QeD qep
Klingon

quq cha' QeD qep

—

by

education
research
science
linguistics
culture

wa'Hu' (ghItlhjaj), DaHjaj, wa'leS je 'InternetDaq qaS qep; Holmey 'oghlu'ta'bogh bop. SoQDaj muchmeH DoyIchlan Hol lulo'meH jatlhwI' HochHom. 'ej mIlloghHommey lo'bogh Holmey bop SoQmey HochHom'e'. DaHjaj DuSaQ'a'Daq jIvumtaHvIS cha' SoQmey vIbej (vI'Ij). Dajqu'be', 'oghwI' bopmo' neH SoQmeyvetlh... jIHvaD Holmey 'oghlu'ta'bogh Daj law' 'oghwI'pu'chaj Daj puS. 'ach qaStaHvIS poH ngajqu', tlhIngan Hol rIch wa' loD! 'ej cha'logh Qagh...

  1. tlhIngan Hol DIb Hoch ghaj marq 'oqranD; jatlhpu' loDvelth, 'ej ghuQ qon neHlu'chugh, marq tlhobnIS. teHbe'chu'! DIb ghajbe'bej ghaH, 'ach Hoch DIbmey ghaj Paramount Pictures'e' net Sov.
  2. tlhIngan Hol QIch wab Ho'DoS Sovlu'bejbe'; jatlhpu' loDvetlh, vaj Holvam qolchugh vay', QaghlaHbe'. Hoch ghojwI' Ho' chaH DawI'pu''e'; jatlh... nuqjatlh jay'?! ghobe'! tlhIngan Hol mu'ghomDaq QIch wab Ho'DoS Dellu'chu'. meqvammo' paqvam pablu'.

DaHjaj tulwI' Hol lubopbogh 'op SoQmey vI'Ijrup... 'ach quq latlh qep! DuSaQ'a'majDaq qaS HolQeD qep, 'ej SIghchuqbogh Hol Sarmey bop. pagh vImuch, 'a jI'Ij vIneH. vaj DaHjaj wa'leS je qaStaHvIS jaj Hoch SoQmey vI'IjnIS. Daj 'e' vItul.

0