كنظن بلّي كيفاش تربّينا كيتأتر بزاف علينا وعلى كيفاش نفكرو وواخا ديما كنت عارفة هادشي نظريا فهمتو على مستوى أعمق هد العام. خرجت من بلادي وكنسكن برّى مجتمعي لمرة اللولى ف حياتي. داكشي علاش دابا نقدر نشوف كيفاش كيفكّرو الناس إللي ترّباو ف بيئة خرى ونفهم بلّي طريقة دالتفكير ديالي هي نتيجة لكيفاش تربّيت. أنا فرحانة أنني كبرت ف واحد بيئة صحية وبين مجتمع ديال العيالات القويات بسبب هادشي خلاني نكون تايقة فراسي. بزاف دالمشكيل والقضايا الاجتماعية كانو كيبانو ليّا بحال إلا قدام ولا غير ف الأفلام حيت ماكانوش مسألة كبيرة ف مجتمع ديالي. ولكن دابا ملي تعرّفت على ناس وصحاب إللي كانو واجهو هد المشاكل، ماكيبقاوش يكونو نظريين. حيت التربية كتأتر كيفاش نتصّرفو ونفكّرو خصنا نكونو حذرين مع الأفكار إللي كنعطيو ل الدراري متلا إلا ديما كنقولو بالعني أن ماكيعجبوناش الأجسام ديالنا وكيسمعونا الدراري حتّى هما غيبداو يشوفو الأجسام ديالهم ف صويرة خيبة. داكشي علاش لازم علينا نحاولو نوقفو الهضرة بحال حكّا حدا الدراري باش نعطيوهم الفرصة باش يكونو مرتاحين ف أجسام ديالهم.