ᎯᎠ ᎣᎩᎾᎵ Gerald ᏧᏙᎢᏓ. ᎬᏟ ᎠᎩᏌ ᎨᏒ Gerald. ᎤᏓᏅᏘ ᏂᎬᏩᏍᏙ ᎣᏍᏓᏃ ᎾᎥ ᎢᏦᎩᎾᏓᎵ ᎨᏐᎢ. ᎥᏝ ᎢᎸᎯᏳ ᎤᏲᏨᎯ ᏯᏍᏚᎢᏍᎪᎢ. ᎰᏍᏓ ᎨᏐᎢ Gerald ᏩᏙ.

ᎠᎩᏍᏗ ᎤᏲᎰᎢ ᏂᎪᎯᎸ ᎠᎴ ᏙᎯᏳ ᎤᏲᏏᏍᎩ ᏂᎬᏩᏍᏙ ᏂᎪᎯᎸᎢ. ᎤᏂᎩᏔ ᎠᎴ ᏚᏯ ᎠᏂᎳᏗᏍᎩ ᏫᏕᏥᎸᏍᎨᎰ ᏥᏍᏆ ᎢᏳᏍᏗ Gerald ᎠᎭᏂ ᎠᏇᏅᏒ ᎠᎩᏩᏛᎯᏙᎰᎢ.

ᏂᎪᎸ ᏅᏙ ᏱᏭᏕᎵᏣᏊ ᎠᎭᏂ Gerald ᏗᎦᎷᎪᎢ. ᎠᎬᏱᏱ ᎣᏂ ᏦᎳᏂ ᎾᎥ ᎤᏩᎢᏢ ᎦᎴᎪᎢ. ᏧᏂᎩᏍᏗᏱ ᏥᏍᏆ ᏗᏢ ᏩᏓᏯᏍᏗᏍᎪᎢ. ᏍᏓᏱ ᎠᏁᏟᏗᏍᎪᎢ ᎠᎴ ᏧᏂᎩᏍᏗᏱ ᏥᏍᏆ ᏎᎦᏨ ᎡᎵᏊ ᏯᏒᏂᎦ. ᎯᎸᏍᎩ ᎢᏳᏩᎩᏗ ᎤᏅᏛ ᎥᏍᎩᏅ ᎢᏳᏍᏗ ᎤᎶᏒᎢ. Ꭼ!

ᏃᎴ ᎤᏍᏆᏓ ᏓᎩᏍᎬ ᏔᎵᏁ ᏩᏕᏲᎰᎢ ᏐᎢ ᏦᎳᏂ. ᏐᎢ ᏄᏓᎴ ᎤᏩᎢᏢ ᎢᎦᎴᎪᎢ. ᏐᎢ ᏄᏓᎴ ᏧᏂᎩᏍᏗᏱ ᏥᏍᏆ ᏗᏢ ᎢᏩᏓᏯᏍᏗᏍᎪᎢ. ᏴᏓᎭ ᎾᎿ ᎠᎩᏍᏗ ᎠᏩᏘᏍᎪ ᏴᏓᎭᏃ Ꮭ ᎪᎱᏍᏗ ᏯᏩᏘᏍᎪᎢ.

ᎢᏳᏓᎵᎭ ᎨᏐ ᏌᏊᎾ ᎤᏩᎢᏢ ᎦᎴᎪ ᎢᏳᏍᏗ ᎤᏩᏂᎦᏢ ᏧᎩᎸᏅ ᎤᏣᏍᏈᏗ ᏄᎵᏍᏔᏅᎢ. ᏃᏊ ᎡᎳᏗ ᏗᏢ ᎠᏛᏍᎪᎢ. Gerald ᎠᏎᏛ ᏍᏗᎩᏓ ᎦᎵᏦᎯᏓᏒ ᏂᏣᎵᏍᏔᏅ ᎨᎵᎠ.

ᎪᎩ ᏥᎨᏒ ᎠᏂᏓ ᎦᎯᏯᏘᏅᏒ ᎬᎩᏩᏛᎯᏓᏍᏗ ᎠᏇᏅᏒᎢ. ᏂᎦᏓ ᏙᎯᏳ ᏧᏂᎬᎯᏍᏗ. ᏌᏊᎭ ᎤᏁᎫᏥᏓ ᎤᏬᎵᏗᏃ ᎨᏒ. Firecracker ᎨᏒ ᏣᎾᏗᏍᎪᎢ. ᏄᏍᎦᏎᏅᎾ ᎨᏒ. ᎢᏳᏓᎵ ᎣᏂ ᏗᏢ ᏗᎦᏅᏍᎨᏂᎢ ᎤᏓᏌᎳᏓᏅ ᏃᎴ ᎦᎸᎳᏗ ᎠᎦᏘ ᎤᏙᎨᏍᏛ ᏓᏯᎢᏒᎢᏃ. ᏂᎪᎸ ᎥᏍᎩᎾ ᏱᏄᏛᏁᎳᏊ ᏙᏳ ᎠᎩᏰᏥᏗᏍᎪᎢ.

Ꮒ ᎯᎠ ᏗᏓᏟᎶᏍᏔᏅ ᎭᎦᏙᏍᏓ. ᏏᏊ ᎾᏛ Gerald ᎯᎠᏃ ᎢᏳᏩᎩᏗ Ꮲ ᎤᏙᏓᏈᏗᏒ ᎨᎲ ᎤᎷᏣ. ᏚᏯᏃ ᎠᏂᎳᏗᏍᎩ ᏏᏊ ᏕᎦᏃᏍᎩᎠ. 

ᎠᏕᎰᎯᏍᏗ ᏂᎨᏒᎾ ᎬᏟ ᎨᏐᎢ ᏙᎧ